Рөстәм Миңнеханов «МИСиС» университеты фонды башлыгы белән хезмәттәшлек хакында сөйләште

Татарстан Президенты Рөстәм Миңнеханов «МИСиС» Илкүләм тикшеренү технология университетының максатчан капиталны формалаштыру фонды директоры Нурлан Киясов белән хезмәттәшлек хакында фикер алышты.

Бу хакта ТР Президентының матбугат хезмәте хәбәр итә.

Республика Хөкүмәте йортында узган очрашуда Нурлан Киясов фондның ни рәвешле финанслануы хакында сөйләде.
Университетны тәмамлаучылар һәм партнерларның иганә акчалары фондның максатчан капиталын тәшкил итә. Аның белән идарә итүдән кергән табыш иганәчеләр һәм оешманың финанс планы белән билгеләнгән максатларга юнәлдерелә. Максатчан капитал белән тиешле лицензиясе булган һәм һөнәри тәҗрибәгә ия компания идарә итә.

• «МИСиС» Илкүләм тикшеренү технология университеты эндаумент-фонды 2011 елда оештырылган. Ул югары уку йортын финанслауга һәм вузның эшчәнлеген үстерүгә юнәлдерелгән. Хәзерге вакытта фондның 500дән артык иганәчесе бар. Бүгенге көндә 45кә якын проект гамәлгә ашырылган

Фото: tatarstan.ru

https://tatar-inform.tatar/news/2019/03/11/182363/