Россиядә коммуналь хезмәтләр өчен түләү кәгазьләрендә реклама бастыруны тыйдылар

“Реклама турында”гы законга кертелгән тиешле үзгәрешләрне Россия Президенты Владимир Путин раслаган.
“Торак бинага һәм коммуналь хезмәтләр өчен түләү документларында, шул исәптән андый документларның икенче ягына да реклама урнаштыру рөхсәт ителми”, - диелгән рәсми-хокукый мәгълүмат интернет порталында.
Искәрмә булып бары социаль реклама һәм белешмә мәгълүматларын бастыру гына санала.