Россиядә диспансеризацияне кичке вакытта да узып булачак

Россия Премьер-министры Дмитрий Медведев гражданнар профилактик медицина тикшерүе һәм диспансеризацияне көндез генә түгел, шимбә һәм кичке вакытта да үтә алачак, дип белдерде. Бу хакта «Известия» яза.

«Бу процессны оештыру — төбәкләрнең җаваплылык зонасы», — дип ассызыклады Хөкүмәт башлыгы.
Түләүсез медицина ярдәме күрсәтүнең дәүләт гарантияләре программасына үзгәрешләр кертә торган карарга кул куелды.
Россиядә паллиатив ярдәмгә мохтаҗ һәр россияле, теркәлү урынына карамастан, илнең теләсә кайсы субъектында ярдәм алырга мөмкин.

Фото: архив татар-информ

https://tatar-inform.tatar/news/2019/04/15/184573/