Роспотребнадзор вәкиле яңа чикләү чаралары нинди очракта кертеләчәген әйтте

Татарстанда грипп һәм ОРВИ белән авыручылар саны эпидемиологик бусагадан кискен арткан очракта, чикләү чаралары кертеләчәк. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде.

«Грипп һәм ОРВИ белән авыручылар саны эпидемиологик бусагадан 60 проценттан һәм аннан да артса, бу вакытта кирәкле чикләү чараларын кертү һәм авырулар санын киметү өчен ул шактый югары булачак», — дип аңлатты спикер.

Авдонина сүзләренә караганда, республикада соңгы елларда гриппка каршы ясалган вакцинация күләме эпидемиологик бусагадан артуны минимумга җиткерергә мөмкинлек биргән.

Элегрәк «Татар-информ» Татарстанда гриппка каршы массакүләм вакцинация укытучылардан башланачак, дип хәбәр иткән иде.