Ркаил Зәйдулланың 60 яшьлеге уңаеннан әдәби-музыкаль кичә Камал театрында үтә

Татарстан язучылар берлеге рәисе, халык шагыйре Ркаил Зәйдулланың 60 яшьлеге уңаеннан әдәби-музыкаль кичә Камал театрында 22 мартка билгеләнгән.
Кичә «Чын шигырьгә әверелә шагыйрь» дип атала. Кичәдә җырчылардан Зәйнәп Фәрхетдинова, Рәсим Низамов, Алинә Шәрипҗанова, Азат Тимершәех, илгиз Мөхетдинов катнаша. Чувашия Республикасыннан кунак булып «Мишәр» җыр һәм бию ансамбле киләчәк.
Башлана 19.00 сәгатьтә.
 

Автор: Рузилә Мөхәммәтова

Чыганагы: https://tatar-inform.tatar/news/culture/13-03-2022/rkail-z-ydullany-60-yashlege-u-aennan-d-bi-muzykal-kich-kamal-teatrynda-t-5851202