Рамил Шәрәпов утырган микроавтобус дамба астына тәгәрәгән - ИНТЕРТАТ
Юморист утырган микроавтобус Чаллы юлында дамба астына тәгәрәгән. – Бүген төнге өчтә, Вадим Захаровның концертыннан соң мин Казан-Уфа рейсы белән Башкортстанга барырга чыктым, – диде Рамил Шәрәпов. –...
Юморист утырган микроавтобус Чаллы юлында дамба астына тәгәрәгән.
– Бүген төнге өчтә, Вадим Захаровның концертыннан соң мин Казан-Уфа рейсы белән Башкортстанга барырга чыктым, – диде Рамил Шәрәпов. – Казанда төнлә мәхшәр иде инде, такси белән “Кольцо”га көчкә барып җиттек. Кичә МЧС шторм булуы хакында кисәтте бит. Мин башта самолет белән очармын дип уйлаган идем, әмма аэропортларны яптылар.
Рамил Шәрәпов Башкортстанга концертка дип юл тоткан.
– Бүген Стәрлетамакта концерт планлаштырылган. Билетлар сатылып беткән, кешене алдап калдырып булмый, ипиең шул булгач, ничек тә барырга кирәк. Микроавтобуста 6 кеше сәфәр чыктык. Артистлардан мин үзем генә. Чаллыга 80 чакрым кала “фура” юлыбызны кисеп, без утырган микроавтобус бозлы юлда шуып, дамба астына тәгәрәде. Ян белән аудык. Сәгать ярым тирәсе шунда яттык. Юлда кеше юк, тарттырып чыгаручы булмады. Аннан соң, бәхетебезгә, бер машина тарттырып чыгарды. Көчкә Уфага барып җиттек, Аллага шөкер. Үзебезгә зыян килмәде, шулай да күңелдә авыр тойгы, – ди Рамил.
– Бүген төнге өчтә, Вадим Захаровның концертыннан соң мин Казан-Уфа рейсы белән Башкортстанга барырга чыктым, – диде Рамил Шәрәпов. – Казанда төнлә мәхшәр иде инде, такси белән “Кольцо”га көчкә барып җиттек. Кичә МЧС шторм булуы хакында кисәтте бит. Мин башта самолет белән очармын дип уйлаган идем, әмма аэропортларны яптылар.
Рамил Шәрәпов Башкортстанга концертка дип юл тоткан.
– Бүген Стәрлетамакта концерт планлаштырылган. Билетлар сатылып беткән, кешене алдап калдырып булмый, ипиең шул булгач, ничек тә барырга кирәк. Микроавтобуста 6 кеше сәфәр чыктык. Артистлардан мин үзем генә. Чаллыга 80 чакрым кала “фура” юлыбызны кисеп, без утырган микроавтобус бозлы юлда шуып, дамба астына тәгәрәде. Ян белән аудык. Сәгать ярым тирәсе шунда яттык. Юлда кеше юк, тарттырып чыгаручы булмады. Аннан соң, бәхетебезгә, бер машина тарттырып чыгарды. Көчкә Уфага барып җиттек, Аллага шөкер. Үзебезгә зыян килмәде, шулай да күңелдә авыр тойгы, – ди Рамил.
http://intertat.tatar
Вход на сайт
Комментарийлар