Радик Сабиров: Татарстанда сәләтле балалар өчен полилингваль гимназияләр төзергә кирәк

Радик Сабиров Татарстанның кайбер төбәкләрендә сәләтле балалар өчен полилингваль мәктәпләр төзергә тәкъдим итә. "Идел" журналының баш мөхәррире бу хакта Болгар радиосында узган сәяси әңгәмә вакытында әйтте. Әңгәмә Фаил Гыймадовның "Татар мәйдәны" тапшыруы кысаларында узды.
"Татарстанның һәрбер районында булмаса да, Республиканың кайбер зоналарында шундый гимназияләрне төзергә кирәк. Иң акыллы балаларны җыя торган полилингваль гимназияләр булса, ничек яхшы булыр иде. Күптән түгел генә мин Актаныш районында, сәләтле балалар өчен гимназиядә булып кайттым. Анда балалар хәтта Мәскәүдән дә килеп укыйлар", - диде Радик Сабиров.

Бу хакта тулырак: https://tatar-inform.tatar/news/2019/01/22/179318/