Нәҗип Бәдретдиновның коймасына карап, "Туган тел"не көйлиләр (ФОТО)

Татарстанның атказанган артисты, "Җырлыйк әле" тапшыруының авторы Нәҗип Бәдретдинов үзенең йорты коймасын оригиналь рәвештә бизәгән.

Танылган баянчы Казан читендә үз йорты белән тора. Ә менә йорт яны коймасындагы музыкаль ноталарны хуҗа үзе сварка белән эретеп ябыштырган.
Нота белгән кеше әлеге коймада "Туган тел" җырын таный ала.
Казан консерваториясе профессоры, Сладковский коллективында фаготта уйнаучы Илсур Айнатуллов шул якларга килеп чыккач, очраклы рәвештә әлеге койманы күрә. Музыкант үзе дә сизмәстән "И, Туган тел"не көйли башлый, дип яза Матбугат.ру