Муса Җәлилнең туган көнендә Мәскәүдә аның һәйкәленә чәчәкләр салачаклар

15 февральдә - Муса Җәлилнең туган көнендә Мәскәүдә герой шагыйрь һәйкәленә чәчәкләр салачаклар. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

Быел герой-шагыйрьнең тууына 113 ел була.
Чараны Татарстан Республикасының Россия Федерациясендәге Тулы вәкаләтле вәкиллеге оештыра. Оештыручылар герой-шагыйрь истәлегенә битараф булмаган барлык кешеләрне әлеге тантанада катнашырга чакыра.
Чара 12.00 сәгатьтә башлана.

Фото: tatmsk.tatarstan.ru

 https://tatar-inform.tatar/news/2019/02/04/180175/