Миңнеханов Яңа ел каникулында иң яхшы ял турында видео куйган

Татарстан Президенты Рөстәм Миңнеханов республикада төрле яшьтәге кешеләрнең шугалакта хоккей уйнаган видео куйган. Республика җитәкчесе үз язылучыларына шәһәр һәм республика боз мәйданчыкларына барырга тәкъдим итә.
«Иң яхшы кышкы ял! Барыгыз да шугалакка!» — дип язган ул инстаграмда үз сәхифәсенә куйган видео янына.
Искәртик, кичә «Ак Барс» хоккей командасы КХЛ чемпионатында рәттән дүртенче җиңүен яулады. Ул Хабаровск шәһәренең «Амур» командасын 2:1 исәбе белән җиңде.
 

Тулырак: https://tatar-inform.tatar/news/official/06-01-2022/mi-nehanov-ya-a-el-kanikulynda-i-yahshy-yal-turynda-video-kuygan-5846667