Мәскәүдә “Хәят” татар театр студиясе ачыла

8 февраль көнне Мәскәүдә “Хәят” татар театр студиясе эшли башлаячак. Бу хакта Татарстан Республикасының Россия Федерациясендә Тулы вәкаләтле вәкиллеге хәбәр итә.

Киләсе җомгада, төгәл бер атнадан, театр студиясе ачык мастер-класс уздырачак.

“Хәят”тәге белем бирү программасы 4 дисциплинаны эченә алган. Болар: актерлык осталыгы һәм уен импровизациясе; сәхнәдә хәрәкәт һәм пластика нигезләре; сәхнә теле һәм ораторлык сәләте; тавыш “кую” һәм вокал.

Үзләрен иркен тотарга, халык алдында чыгыш ясарга өйрәнергә теләүчеләр, ана телендә, оялмыйча чыгыш ясарга, иҗат итәргә теләкләре булучыларны әлеге студиядә көтеп калалар.

Фото: vk.com/tatmsk

 https://tatar-inform.tatar/news/2019/02/01/179999/