Мәскәү бренды футболчы бүрене мөселманча "киендергән"

Билгеле булганча, Россиядә узачак футбол буенча Дөнья чемпионаты символы итеп бүре сайланды, дип яза "Вести КАМАЗа" басмасы.
Фото://vestikamaza.ru
Гореф-гадәтләрне, мәдәни кыйммәтләрне һәм үз иленең геройларын заманчалаштырып, якты принтлар белән бирүче "Mother Russia" россия бренды әлеге бүре-символны да үзенчәлекле итеп ясаган. Компаниядә Дөнья чемпионаты-2018 узачак шәһәрләр өчен үз символларын уйлап тапканнар. Бераз "Ну, погоди!" мультфильмы героен хәтерләтүче Казан бүресенә алар мөселман чапаны, түбәтәй кидергәннәр һәм кулына дисбе тоттырганнар.

 
Дөнья чемпионатына башка брендлар да спорт киемнәренә үз принтларын әзерләгән. Мәсәлән, Казан өчен "Адидас" футболкасында рубин төсендәге фонда футбол тубы тоткан Зилант төшерелгән.