Мәккәдә Татарстан хаҗилары өчен укулар оештырылган

Татарстаннан Мәккәгә килеп җиткән мөселманнарга укулар оештырылган. Бу хакта Татарстан Диния нәзерәте матбугат хезмәте хәбәр итә.

Фото: dumrt.ru
Татарстан хаҗилары Зөлфәт хәзрәт Габдуллин, Айрат хәзрәт Яруллин, Тимергали хәзрәт Юлдашев, Рамил хәзрәт Бикбаев укыган лекцияләрне тыңлый. Дәресләр кунакханәләрдә бара. Хаҗилар өчен хәдис, гарәп теле, хаҗ, фикъһе, сира, тәфсир дәресләре каралган.