МЧС бик нык суытачак дип кисәтә
Татарстанның әйләнә-тирә мохитне күзәтү идарәсе республикага аномаль суыклар килүен хәбәр итә. Бүген төнлә минималь температура -30 градуска кадәр төшәргә мөмкин. Алдагы көннәрдә уртача температура но...
Татарстанның әйләнә-тирә мохитне күзәтү идарәсе республикага аномаль суыклар килүен хәбәр итә.
Бүген төнлә минималь температура -30 градуска кадәр төшәргә мөмкин. Алдагы көннәрдә уртача температура нормадан 9 градуска түбәнрәк булачак. Синоптиклар фаразлары буенча, суыклар 23 декабрьгә кадәр сакланачак.
Бу уңайдан Гадәттән тыш хәлләр министрлыгы артык мөһим булмаса, ерак юлларга чыгудан тыелып торырга киңәш итә.
Шулай ук коткаручылар да юлларда бөкеләр, янгын очраклары ешаячак ди.
Тарихта мондый салкын кышларның 1941 һәм 1978-79 елларда булуы мәгълүм.
Санитар нормалар нигезендә, һава температурасы -15 градуска төшсә, җилнең тизлеге секундына 15 метр тәшкил итсә, 4 яшькә кадәрге баланы бакчага илтмәскә ярый. Ә температура -20 градуска төшеп, җилнең тизлеге секундына 15 метр булса, 5-7 яшьлек балаларны да өйдә калдырырга мөмкин.
Һава температурасы -25 градус булса, авыл мәктәпләрендә белем алучы I-IV сыйныф укучылары укудан азат ителә. -27 градуска җитсә, I-IV сыйныфта укучы шәһәр балаларына да шундый «бәхет» елмая. Ә менә һава температурасы -30 градустан артса, I-XI сыйныфта белем алучы барлык укучылар мәктәпкә бармаска хокуклы.
Бүген төнлә минималь температура -30 градуска кадәр төшәргә мөмкин. Алдагы көннәрдә уртача температура нормадан 9 градуска түбәнрәк булачак. Синоптиклар фаразлары буенча, суыклар 23 декабрьгә кадәр сакланачак.
Бу уңайдан Гадәттән тыш хәлләр министрлыгы артык мөһим булмаса, ерак юлларга чыгудан тыелып торырга киңәш итә.
Шулай ук коткаручылар да юлларда бөкеләр, янгын очраклары ешаячак ди.
Тарихта мондый салкын кышларның 1941 һәм 1978-79 елларда булуы мәгълүм.
Санитар нормалар нигезендә, һава температурасы -15 градуска төшсә, җилнең тизлеге секундына 15 метр тәшкил итсә, 4 яшькә кадәрге баланы бакчага илтмәскә ярый. Ә температура -20 градуска төшеп, җилнең тизлеге секундына 15 метр булса, 5-7 яшьлек балаларны да өйдә калдырырга мөмкин.
Һава температурасы -25 градус булса, авыл мәктәпләрендә белем алучы I-IV сыйныф укучылары укудан азат ителә. -27 градуска җитсә, I-IV сыйныфта укучы шәһәр балаларына да шундый «бәхет» елмая. Ә менә һава температурасы -30 градустан артса, I-XI сыйныфта белем алучы барлык укучылар мәктәпкә бармаска хокуклы.
Комментарийлар