Мамадышлы агач боланга утырып сайлауга барган

Мамадыш районында яшәүче Рафил Сәмигуллин «Әйдә сайлауга» («#Айданавыборы») фотомарафонында үзенчәлекле итеп катнашкан.

Ул Instagram битендә үзенең, түбәтәй киеп, агачтан ясалган болан өстендә утырып төшкән фотосын куйган. Егетнең кулларында - Татарстан байрагы һәм «#Айданавыборы» дип язылган баннер.
Шулай ук, мамадышлы сайлауга үзен агач боланда утырган килеш, машина белән алып баруларын күрсәткән видео да урнаштырган.