Күзләр ни сөйли?

Борынгылар күзләрнең серләрен бик яхшы укыган.
Сократ, Аристотель, Гиппократ кебек акыл ияләре аларга карап күп нәрсәне юраган. Шуларга таянып, немец галиме Курт Теппервайн "Кешенең бите — саулык көзгесе" дигән китап язган. Аның бар кеше кулланырлык бу язмасыннан берничә фаразын китерәбез.

Күзләр ни сөйли?
Тонык күзләр — йогышлы авыру эләккәнлек билгесе.
Кызарган күзләр — конъюнктивит белән авыру, салкын тигәнлек билгесе.
Мөгез катлау саргаю бавырның авыртуын, сары авыруы булуын әйтә.
Күздәге буй-буй кызыл тамырлар венада канның тыгылып торуын күрсәтә.
Күзләрнең эчкә батканлыгы — ябыклыктан.
Ялтыравык күзләр — кызып китү, ярсу турында сөйли.
Тонык караш — көчсезлек, зәгыйфьлек билгесе.
Берни күрмәс булу — эчәкләр авыртканлыгын, организмга үлем янавын әйтә.
Елый алмау, яшь чыкмау — А витамины җитешмәүдән.
Күзләрнең арлы-бирле йөрүе курку, нерв авырулары турында әйтә.
Күзнең еш йомылуы тамырларның начар эшләвен, калкансыман бизнең артык эшләвен күрсәтә.
Сирәк йомылу калкансыман бизнең тиешенчә эшләмәвен күрсәтә.