Җир белгечләре фикеренчә, туфракны тирән итеп, җирнең астын-өскә әйләндереп казу грунтның төзелешен боза. Ә туфрак микроорганизмнары исә, гумус аркылы тирәнгә төшеп китеп, кислород җитмәүдән һәлак булалар. Моннан тыш, актарылган җирне җил “ашый”.
Әмма безнең халык моңа карап тормый. Чүп үләннәрен бетерү максатыннан, җирне әйләндереп капламыйча гына казып чыга. Галимнәр, грунт суларына якын, балчыклы бакчаны көзен казырга кирәк дигән фикерне дә җиткерә. Моны көзге яңгырлар башланганчы эшләргә кирәк. Шулай да җирне 15 см дан да тирәнрәк казырга кирәкми.
Җиңел, көпшәк, комлы туфракны көзен казудан мәгънә юк. Иң яхшысы: тырмалап чыгыгыз.
Комментарийлар