Кишерне язга кадәр ничек сакларга?

Моның гади генә ысулы бар.

Кызыл чөгендерне базда күпләп салып, ә кишерне һәр катламын комга күмеп, тартмаларда сакларга киңәш ителә. Ком бик дымлы булырга тиеш түгел.
Кызыл чөгендерне бәрәңге өстенә бер рәт итеп салып чыгарга да була. Кемнәрдер тамыразыкларны тартмаларда акбур, торф сибеп, яки суган кабыгына күмеп саклый.
Мул уңыш алган һәр бакчачының яшелчә саклау буенча үз сере бардыр, мөгаен. Бәлки, сезнең арада киңәшләре белән уртаклашучылар да табылыр.
 

"Кызыл таң"