Киләсе елда тәмәкенең бер кабы 220 сумга җитәргә мөмкин

Тәмәке продукциясенә акцизлар арту сәбәпле, тәмәкегә бәянең кискен күтәрелүенә китерәчәк, дип хәбәр итә "Известия".

Хәзерге вакытта мең тәмәкегә акцизның минималь ставкасы 1680 сум булса, киләсе елда аны 2123 сумга кадәр арттырырга ниятлиләр. Шулай итеп, бер кап тәмәкенең бәясе 220 сумга менәргә мөмкин.
Россиялеләр арасында тәмәке тартучыларның 60 проценты кыйммәт булмаган сигаретлар куллана. Белгечләр фикеренчә, алар читтән кергән, легаль булмаган тәмәке тарта башларга да мөмкин. Чөнки бездә сигаретның бер кабы уртача 90 сум тора, Белоруссиядә - 60 сум, Казахстанда – 52 сум, Кыргызстанда 37 сумны тәшкил итә.