Киләсе ел башыннан Россиядә электрон визалар системасын гамәлгә кертергә ниятлиләр

2020 ел башыннан Россиядә электрон визалар системасын гамәлгә кертергә ниятлиләр. Бу хакта ТАСС агентлыгы РФ икътисади үсеш министры Максим Орешкинга сылтама белән хәбәр итә.
«Без яңа киләсе ел башыннан яңа система гамәлгә керер дип уйлыйбыз һәм моның өчен барысын да эшлибез», - диде министр.
2017 елда Россиядә 18 ил гражданнарына Ерак Көнчыгышка бару өчен электрон визалар гамәлгә кертелде. Электрон визаны махсус сайтта бушлай алырга мөмкин – документ буенча төбәктә сигез тәүлеккә кадәр булырга рөхсәт ителә.

http://tat.tatar-inform.ru/news/2019/04/02/183751/