КФУның бер филиалында укытучы алты ел буе ялган документлар белән укыткан

Чаллыдан бер ир-ат югары белем алу турында ялган документлар белән КФУ филиалында 6 ел укыткан. Бу хакта inkazan.ru хәбәр итә.
Документлар буенча ул 1991 елны “Автомобиль һәм автомобиль хуҗалыгы” белгечлеге буенча Кама Политехник институтын бетергән. Ялган дипломга ышанып, аны КФУга 2012 елда укытучы итеп эшкә алалар.
Ялган документлар белән эшләгән ир-атны ТР буенча Федераль куркынычсызлык хезмәте ачыклый. Укытучыга карата җинаять эше кузгатылган.