Казанда туп формасындагы зур чәкчәк әзерләделәр

14 июньдә башкалабызның "Казан" гаилә үзәге янында узган җанатарлар фестивале ачылу тантанасында футбол буенча Дөнья чемпионаты кунакларын рекордлы чәкчәк белән сыйладылар.
Фото: Михаил Фролов
Гиннессның Рекордлар китабы вәкилләре әлеге рекордны теркәде - футбол тубы формасында ясалган дөньядагы иң зур чәкчәкнең авырлыгы 4026 килограмм тәшкил итте. Татар милли ризыгы белән сыйлаучыларның берсе президент Рөстәм Миңнеханов булды. Ул Казанга кунак булып килгән җанатарларга чәкчәк таратты.