Казанда шәхси самолет һәлакәткә очрау сәбәпле, Халыкара аэропорт ябылган

«Казан» Халыкара аэропорты, шәхси самолет һәлакәткә очрау сәбәпле, ябылган. Бу хакта "Татар-информ" хәбәр итә.
Фото: Салават Камалетдинов- ИА Татар-Информ
Барселонадан Казанга очкан самолет аэропортка төшкәндә, уң шасси покрышкасына зыян китерелгән булган. Бортта алты кеше - 4 пассажир һәм 2 экипаж әгъзасы булган.
Һәлакәт аркасында җитәкчелек аэропортны вакытлыча ябарга карар иткән. Хәзергә дистәдән артык рейс тоткарлана. Кайбер һава суднолары күрше аэропортларга юнәлдерелгән.
Һәлак булучылар һәм зыян күрүчеләр турында хәбәр юк.