Казанда ике яшьлек бала балконда бикләнеп калган

Казанда балконда бикләнеп калган ике яшьлек баланы коткарганнар. Бу турыда "Татар-информ"га Гадәттән тыш хәлләр министрлыгы матбугат хезмәте хәбәр итте.
Бу хәл кичә көндез Мәүлетов урамындагы 25нче йортта булган. Малайның әнисе балкон ишеген ача алмаган. Шуннан соң ул коткаручыларга шалтыраткан.
Урынга килгән хезмәткәрләр балкон ишеген ачып, баланы әнисенә тапшырган.