Казанда Идел буе федераль округының үзәкләштерелгән архив саклагычы төзелә башлады

Столбище районында Идел буе федераль округының үзәкләштерелгән архив саклагычы төзелә башлады.
Фото: www.business-gazeta.ru
Белгечләр фикеренчә, әлеге яңа үзәк бөтен республика буенча архив үзәкләрен бушатып кына калмый, ә Каза шәһәренә Идел буе округының эшлекле башкаласы статусы өчен көрәштә очколар өстәячәк. Бу хакта "БИЗНЕС Online" яза .
Республиканың хәзерге вакытта архивлар саклана торган биналары бушаячак, аларда вакытлыча саклана торган документлар гына калачак.
Корылманы ТР атказанган төзүчесе Юрий Егорушкин төзи.
 
Күптән көтелгән әлеге "архив хабы" үз эченә А4 форматындагы 1 млрд. битне сыйдырачак. Монда Идел буеның 14 регионыннан документлар китереләчәк.
Проектны эшләү буенча тендерны Казанның "КРК Групп" ҖЧҖ отты. 2016 елда эшләнгән проект компаниянең рәсми сайтында урнаштырылган да инде.