Казанда атыш вакытында ОМОН хезмәткәре һәлак булган

Казанда 34 яшьлек ир-ат бинаның югары катыннан ата башлаган. 

Шаһитлар әйтүенчә, Авангард урамының бер йортында ир кеше ут ачкан. Башлангыч мәгълүматларга караганда, ике кеше яраланган.
Ир-атның "дробовик"тан атуы билгеле. Атыш вакытында ОМОН хезмәткәре һәлак булган.
Чыганаклар әйтүенчә, әлеге атучы ир-ат еш кына үз йортында тавыш чыгарган һәм спиртлы эчемлекләр белән мавыккан.
Татарстанның тикшерү комитеты Казанда ут ачкан ир-атның үлеме турында хәбәр итә.