Казанда 72 пассажир утырган ике кызыл автобус бәрелешкән. Зыян күрүчеләр бар

Казанда автобуслар бәрелешкән юл һәлакәтеннән фотолар пәйда булды.

Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Бүген иртән Ямашев проспектында 60 һәм 10нчы автобуслар бәрелешә. 60нчы маршрут автобусында - 60 кеше, 10нчы автобуста 12 пассажир булган.

Зыян күргән дүрт кешене табиблар 7нче шәһәр хастаханәсенә озата. Бу хакта хастаханәнең матбугат сәркатибе Әлфия Хәсәнова хәбәр итте.
«Зыян күрүчеләрнең өчесе - нейрохирургия, берсе травматология бүлегенә китерелде», – диде Әлфия Хәсәнова.