Казан Кремле, Болгар һәм Алабуга тыюлыклары юбилейларын бергә билгеләп үтәчәк
2019 елда Татарстан Республикасының өч зур музей комплексы юбилей датасын билгеләп үтәчәк. «Татар-информ»да Һәйкәлләр һәм тарихи урыннар халыкара көненә багышланган матбугат конференциясендә Бөтенросс...
2019 елда Татарстан Республикасының өч зур музей комплексы юбилей датасын билгеләп үтәчәк. «Татар-информ»да Һәйкәлләр һәм тарихи урыннар халыкара көненә багышланган матбугат конференциясендә Бөтенроссия һәйкәлләрне һәм мәдәниятне саклау җәмгыятенең Татарстан төбәк бүлеге рәисе урынбасары Фәридә Зәбирова шул хакта әйтте.
Болгар музей-тыюлыгы ярты гасырлык юбилеен билгеләп үтә. Алабуга тарихи-архитектура һәм сәнгать музей-тыюлыгы оешуга 30 ел. Гыйнвар аенда исә «Казан Кремле» музей-тыюлыгына 25 ел тулды, диде ул.
Архитектор-реставратор, Россиянең Мәдәният министрлыгы эксперты Фәридә Зәбирова Татарстанда ЮНЕСКОның беренче музей объекты барлыкка килүне искә төшерде.
«Хәзерге вакытка «Казан Кремле» музей-тыюлыгы концепциясе 90-95 процентка тормышка ашырылган, 25 ел элек мин аны төзүдә турыдан-туры катнаштым. Ә бит ул вакытта Кремльне бөтенләй бикләп, аны бары тик административ урын итә алалар иде. Архитекторлар берлеге, безнең галимнәр аны йозакка бикләргә ярамаганлыгын, бу - мәдәни байлык һәм биредә музей-тыюлык ясарга кирәклеген әйтте», - диде ул.
Аның сүзләренчә, музей комплексларының һәрберсенең юбилее уңаеннан чараларны берләштерү һәм 2019 елның көзендә үткәрү планлаштырыла.
Болгар музей-тыюлыгы ярты гасырлык юбилеен билгеләп үтә. Алабуга тарихи-архитектура һәм сәнгать музей-тыюлыгы оешуга 30 ел. Гыйнвар аенда исә «Казан Кремле» музей-тыюлыгына 25 ел тулды, диде ул.
Архитектор-реставратор, Россиянең Мәдәният министрлыгы эксперты Фәридә Зәбирова Татарстанда ЮНЕСКОның беренче музей объекты барлыкка килүне искә төшерде.
«Хәзерге вакытка «Казан Кремле» музей-тыюлыгы концепциясе 90-95 процентка тормышка ашырылган, 25 ел элек мин аны төзүдә турыдан-туры катнаштым. Ә бит ул вакытта Кремльне бөтенләй бикләп, аны бары тик административ урын итә алалар иде. Архитекторлар берлеге, безнең галимнәр аны йозакка бикләргә ярамаганлыгын, бу - мәдәни байлык һәм биредә музей-тыюлык ясарга кирәклеген әйтте», - диде ул.
Аның сүзләренчә, музей комплексларының һәрберсенең юбилее уңаеннан чараларны берләштерү һәм 2019 елның көзендә үткәрү планлаштырыла.
Комментарийлар