Казан иң биек Яңа ел чыршысы белән топ-20 Россия шәһәрләренә кергән

 
Татарстан башкаласы иң биек Яңа ел чыршысы белән топ-20 Россия шәһәрләренә кергән. Рейтингны ТурСтат аналитик агентлыгы тәкъдим итә.
”Казан” гаилә үзәге янында 28 декабрьдә ачылачак шәһәрнең төп Яңа ел чыршысы 20 метр биеклектә.
55 метрлы Россиянең иң биек Яңа ел чыршысы Красноярск шәһәрен бизи.
Топ-20гә шулай ук Уфа (34 м), Тула (32 м), Төмән (30 м), Иркутск (27,5 м), Мәскәү (27 м), Воронеж (26 м), Санкт-Петербург (25 м), Самара (25 м), Ставрополь (25 м), Пенза (25 м), Краснодар (23 м), Түбән Новгород (22 м), Новосибирск (22 м), Пермь (22 м), Екатеринбург (21 м), Чиләбе (20 м), Ростов-Дон (20 м) һәм Волгоград (18 м) шәһәрләре кергән.
“Татар-информ” элек Казан Кремленең топ-5 Россиянең истәлекле урыннарына кергәнлеген хәбәр иткән иде.