Казан федераль университетының Чаллы институты деканы үлгән

Казан федераль университеты Чаллы институтының автомеханика факультеты деканы үлеме турында "Татар-информ" агентлыгына хокук саклау органнарындагы үз чыганагы хәбәр иткән.

57 яшьлек ир-атның мәете аның эш бүлмәсендә табылган.
Рифат Габделхак улы Хәбибуллин - профессор, Татарстан югары мәктәбе атказанган хезмәткәре һәм Россиянең югары профессиональ белем бирү буенча мактаулы хезмәткәре. Башлангыч мәгълүматлар буенча 57 яшьлек ир-ат үз-үзенә кул салган.