Казакъстанда яңа өлкә барлыкка килде

Казакъстанда Төркестан өлкәсе барлыкка килде.
XV – XIX гасырларда Төркестан шәһәре Казакъ ханлыгының башкаласы булган.
Фото: Фидаил Мәҗитов
Көньяк Казакъстан өлкәсен яңача атау турындагы карарны республика президенты Нурсолтан Назарбаев имзалаган. Төркестан өлкәсенең административ үзәге булып Төркестан шәһәре билгеләнгән, ә элекке региональ үзәк Шымкент республикага буйсынучы шәһәр булып калган. Төркестан, Назарбаев билгеләп үткәнчә, ил тарихында Казакъстанның сәяси һәм рухи тормышы үзәге булган.
Төркестан - илнең иң борынгы шәһәрләренең берсе, ул Шымкенттан төньяк-көнбатышка таба 160 км ераклыкта урнашкан.