Кар туктарга уйламый: Татарстанда рекорд куела

Алдагы тәүлекләрдә явым-төшемнең айлык нормасының яртысыннан артыгы явар дип фаразлана. Бу хакта идарәдә метеорологик фаразлар бүлеге башлыгы Ирина Трущина сөйләгән.

"Мартның беренче яртысындагы аномаль җылылардан соң, һава торышы янә кышкы сценарий буенча үзгәрә башлады. Башта сизелерлек суытты. Ә хәзер Кара һәм Урта диңгез тирәсеннән көньяк-көнбатыш циклон чыгу, аларның фронталь бүлекләре  узу сәбәпле кар, юеш кар күзәтелә, температура акрынлап нульгә якынлаша", – дигән ул.
24 марттан 25 мартка булган төндә Татарстанда 0-5 градус салкын, көндез 1 градус салкыннан 4 градуска кадәр җылы булачак.
25 мартта һава температурасы төнлә – 2-7, аязган вакытта 12 градуска кадәр салкынайта. Көндез – 1 градус салкыннан 4 градуска кадәр җылы булыр, дип көтелә.
Шимбә, 26 мартта, төнлә – 2 градус салкыннан 1 градуска кадәр җылы, көндез – 2-7 градус җылы булачак.