"КАМАЗ-мастер" командасы вәкилләре "Comedy Club" тапшыруында катнашты

22 февральдән ТНТ телеканалында баручы популяр юмористик шоу "Comedy Club" тапшыруының яңа чыгарылышлары башлана, дип яза "Вести КАМАЗа" басмасы.
Фото: Эдуард Николаев
 
Шоуга яңа скетчларны "Barvikha Luxury Village" концертлар залында төшергәннәр. Һәрвакыттагыча кунак буларак күп кенә танылган кешеләр чакырылган. Алар арасында "КАМАЗ-мастер" командасы җитәкчеләре һәм узган "Дакар" ралли-марафонының төп герое  Эдуард Николаев та бар.
Әлегә танылган чаллы дакарчылары катнашкан программа кайчан эфирга чыгачагы билгеле түгел.