«Җырла, бие, игелек кыл» хәйрия концерты - «Әкият» курчак театрында

13 ноябрь көнне сәгать 14.00 дә Казанның «Әкият» курчак театрының концертлар залында әнә шулай дип аталган бик зур хәйрия концерты булачак,Билет сатудан кергән акча Республика балалар клиник хастаханәсендә каты авырудан дәваланучы балаларга тапшырылачак. Концертта татар эстрадасы җырчылары Венера Ганиева, Мөнир Рахмаев, Алинә Шәрипҗанова, Гөлсирин Абдуллина, Айгөл Хәернасова, Максут Юлдашев, «Ямьле» вокал төркеме, Рәсилә Зәбирова, Лилиана Газизова, Наил Нәбиуллин, Ринат Гыйләҗев, Илнар Җәләлов, Илсур Сабитов, Илнар Миронов, Алсу Хәбибуллина, Инсаф Бәдретдинов, Айгөл Вәлиуллина, Гөлназ Солтанова, Әмир Әхмәдишин, Зөһрә Насыйповалар чыгыш ясаячак.
Алар белән бергә сәхнәгә хастаханәдә дәваланучы балаларның гаиләләре дә чыгачак. Бу чыгыш концертның иң тетрәндергеч мизгелләре булыр дип көтелә. Казандагы «Роналд Макдоналд Йорты»нда яшәүче балалар шушы Йортның дусларының балалары белән бергә тамашачылар өчен дуслык һәм ярдәмләшүне гәүдәләндергән бию дә әзерләгәннәр. Килегез, күңелле булачак. Сезнең ярдәмегез хәзер аларга бик кирәк.