Җырчы Алсу тиздән өченче тапкыр әни булырга мөмкин

Бу имеш-мимешләр узган атнада Алсу Мәскәүдәге бер мәдәни чарага баргач туган.

Имеш, җырчы анда иркен күлмәк киеп килгән һәм корсагын сыйпап утырган. Шулай ук Алсуның океанариумда төшкән фотоларыннан да түгәрәкләнеп килгән корсагын күрергә була, ди. Әмма Алсу әлегә бу хакта берни дә сөйләми икән. Шулай да җырчының иҗатына гашыйк булучылар үз фаразларын җиткерә башлаган: Алсу малай көтә!
Мәгълүм булганча, 32 яшьлек җырчы Алсу тормыш иптәше Ян белән Сафина һәм Микелла исемле ике кыз үстерә.