Иртәгә Татарстанда яшенле яңгыр һәм көчле җил көтелә

Татарстан Гидрометеорология һәм әйләнә-тирә мохитне күзәтү үзәге мәгълүматлары буенча иртәгә Татарстанда һава шартлары бозылуы көтелә. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.

4 октябрьдә 5.00-18.00 сәгатькә кадәр республикада урыны белән көньяк-көнбатыштан 17 м/с кадәр җил, шулай ук яшенле яңгыр булачак.
Гадәттән тыш хәлләр министрлыгы яшен вакытында урамга чыкмаска, шулай ук тәрәзә янында тормаска, ә урамда калган очракта ышыклану урыны табарга киңәш итә.
Көчле җил вакытында агачлар, щитлар киштәләр һәм йорт кәрнизләре янында тормаска кирәк.
 

Фото: архив https://tatar-inform.tatar

Бу хакта тулырак: https://tatar-inform.tatar/news/2018/10/03/172747/