Илсөя Бәдретдинова җәнлек тавышлары чыгарып җырлый?

Үзенчәлекле җырчы Уфада концерт бирде һәм иҗади тормышындагы кайбер кызыклы яңалыклар белән уртаклашты, дип яза http://kiziltan.ru/ газетасы.
Иҗатта кыйблам тотрыклы булса да, мин эзләнүләр, үзгәрешләр яклы, - ди ул. - Яңа программада Якутиядән бер кыз чыгыш ясаячак. Ул әбисе белән урманда үскән, җәнлекләр һәм кошлар белән аларның үз телендә аралаша белә. Моңа кадәр без күрмәгән музыкаль инструментларда уйный. Бик үзенчәлекле кеше ул. Безне "акча артыннан куып, яныгыздагы рухларга игътибар итмисез", дип тирги. Минем җырларга табигать тавышлары белән кушылачак.