Груша ашагыз!
Кешелек дөньясына бик борынгыдан билгеле җимешләрнең берсе ул. Беренче гасырда ук Рим империясе халкы аның 30дан артык төрен белгән. XVI гасырда җимеш Франция белән Италиядә киң танылу алган. Груша ал...
Кешелек дөньясына бик борынгыдан билгеле җимешләрнең берсе ул. Беренче гасырда ук Рим империясе халкы аның 30дан артык төрен белгән. XVI гасырда җимеш Франция белән Италиядә киң танылу алган. Груша алмага караганда суыкка тизрәк бирешә, шуңа күрә Русиядә азрак таралган.
Груша аксымга, углеводларга, органик кислоталарга, пектин матдәләренә, калий, кальций, тимер, натрий кебек минералларга, A, B1, B2, C, PP витаминнарына бай.
Бу татлы җимештә җиңел үзләштерелүче глюкоза, фруктоза күп микъдарда туплана. Фруктоза бигрәк тә шикәр чиренә тиз бирешүчеләр өчен файдалы. Көз көне табигый иммуностимулятор ролен дә үти. Андагы эфир майлары һәм арбутин антибиотигы организмның саклану көчләрен ныгыта, йогышлы авыруларга, бактерияләргә каршы көрәштә ярдәм итә.
Көненә ике груша ашау ашказаны-эчәк эшчәнлеген җайга сала, үт куыгыннан үт бүленеп чыгуга булышлык итә. Нәтиҗәдә, организм токсиннардан чистарына. Җимешнең сүсләре холестеринны киметә һәм атеросклерозны искәртә. Груша ярдәмендә тимер кытлыгын да бетереп була. Андагы калий йөрәкне ныгыта, ә фолий кислотасы авырлы хатыннарга һәм балаларга уңай йогынты ясый.
Борынгы заманда табиблар грушаны яраларны тиз төзәтү һәм тән температурасын төшерү өчен кулланган. Медицина буенча борынгы гарәп язмаларында җимешнең үпкә авыруларын дәвалаудагы ярдәме турында искә алына. Халык медицинасы да аны бик күп чирләрдән дәва дип исәпли. Тик бу җимешне дөрес кулланырга кирәк. Грушаны ач карынга ашарга һәм соңыннан су эчәргә ярамый. Шулай ук ит азыкларыннан соң ярты сәгать үтмичә ашарга киңәш ителми.
Ә гомумән алганда, 40 яшь тулганнан соң табиблар грушаны күбрәк ашарга куша. Атнасына ике тапкыр груша көннәре үткәрү, ягъни яңа өлгергән 1,5-2 килограмм җимеш кенә ашау бик файдалы.
Груша аксымга, углеводларга, органик кислоталарга, пектин матдәләренә, калий, кальций, тимер, натрий кебек минералларга, A, B1, B2, C, PP витаминнарына бай.
Бу татлы җимештә җиңел үзләштерелүче глюкоза, фруктоза күп микъдарда туплана. Фруктоза бигрәк тә шикәр чиренә тиз бирешүчеләр өчен файдалы. Көз көне табигый иммуностимулятор ролен дә үти. Андагы эфир майлары һәм арбутин антибиотигы организмның саклану көчләрен ныгыта, йогышлы авыруларга, бактерияләргә каршы көрәштә ярдәм итә.
Көненә ике груша ашау ашказаны-эчәк эшчәнлеген җайга сала, үт куыгыннан үт бүленеп чыгуга булышлык итә. Нәтиҗәдә, организм токсиннардан чистарына. Җимешнең сүсләре холестеринны киметә һәм атеросклерозны искәртә. Груша ярдәмендә тимер кытлыгын да бетереп була. Андагы калий йөрәкне ныгыта, ә фолий кислотасы авырлы хатыннарга һәм балаларга уңай йогынты ясый.
Борынгы заманда табиблар грушаны яраларны тиз төзәтү һәм тән температурасын төшерү өчен кулланган. Медицина буенча борынгы гарәп язмаларында җимешнең үпкә авыруларын дәвалаудагы ярдәме турында искә алына. Халык медицинасы да аны бик күп чирләрдән дәва дип исәпли. Тик бу җимешне дөрес кулланырга кирәк. Грушаны ач карынга ашарга һәм соңыннан су эчәргә ярамый. Шулай ук ит азыкларыннан соң ярты сәгать үтмичә ашарга киңәш ителми.
Ә гомумән алганда, 40 яшь тулганнан соң табиблар грушаны күбрәк ашарга куша. Атнасына ике тапкыр груша көннәре үткәрү, ягъни яңа өлгергән 1,5-2 килограмм җимеш кенә ашау бик файдалы.
«Кызыл таң»
Вход на сайт
Комментарийлар