Гөлшат Котенкованы үтергән Данил Котенев Чистай изоляторында үз-үзенә кул салган

"Татар-информ" мәгълүмат агентлыгына үз чыганакларыннан билгеле булганча, Гөлшат Котенкованы үтерүдә гаепләнгән Данил Котенев бүген үз-үзенә кул салган.
Искәртеп үтик, Түбән Каманың Кызыл Чишмә бистәсендә спорт базасына чаңгы шуарга килгән Гөлшат Котенкованы 9 гыйнварда үтерделәр. Түбән Кама халкы ярдәмендә үтерүче тоткарланды. Элек тә хөкемгә тартылган Д.Котенев гаебен таныган иде һәм Чистай тикшерү изоляторында суд карарын көтә иде.