Гидрометеорология үзәге Татарстанда буран һәм көчле җил турында кисәтә

Иртәгә Татарстан территориясендә җилле һава торышы көтелә. Төнлә һәм көндез урыны белән юлларда бозлавык көтелә, дип кисәтә ТР Гидрометеорология һәм әйләнә-тирә мохитне күзәтү идарәсе.
Шулай ук төнлә Татарстанга кыска вакытлы буран киләчәк. Юлларда күз күреме 1-2 километрга кадәр начарланачак, җил секундына 15-17 метрга кадәр көчәячәк.
Синоптиклар көн дәвамында җепшек кар фаразлый. Төнлә һава температурасы -6 градуска кадәр була, көндез -3дән 1 градус тирәсендә торачак.
 

Чыганагы: https://tatar-inform.tatar/news/ecology/11-11-2021/gidrometeorologiya-z-ge-tatarstanda-buran-m-k-chle-il-turynda-kis-t-5842952