Гидрометеорология үзәге гыйнвар - февраль айларында көчле салкыннар буласын фаразлады

Киләсе ике айда Россиянең Европа өлешендә төрле һава торышы көтелә. Бу хакта РФ Гидрометеорология үзәге фәнни җитәкчесе Роман Вильфандка сылтама белән «Парламентская газета» хәбәр итә.
«Гыйнвар һәм февральгә килгәндә,<...> җылы көннәр шактый булачак. Әмма бер үк вакытта температура 20-25 градуска кадәр булган бик көчле салкыннар чоры да килә», — дип искәртте белгеч.
Ул нәкъ менә хәзер салкыннар яки җылыну көтелә дип төгәл әйтеп булмый, дип өстәде.

Чыганагы: https://tatar-inform.tatar/news/ecology/20-12-2021/gidrometeorologiya-z-ge-gyynvar-fevral-aylarynda-k-chle-salkynnar-bulasyn-farazlady-5845520