Флорида татарлары Сабантуй уздырды
Милли бәйрәмгә 150ләп кеше җыелган. Аларның кайберләре машинада 5-6 сәгать юл үтеп килгән.Кушма Штатларның Флорида штатында 13 февраль көнне Сабантуй узды. Әлеге чара быел икенче тапкыр оештырылды. Ми...
Милли бәйрәмгә 150ләп кеше җыелган. Аларның кайберләре машинада 5-6 сәгать юл үтеп килгән.
Кушма Штатларның Флорида штатында 13 февраль көнне Сабантуй узды. Әлеге чара быел икенче тапкыр оештырылды. Милли бәйрәмгә Нью-Йорк, Чикаго, Калифорния татарлары да килгән. Шулай ук Мәскәү һәм Казаннан да кунаклар булган. Майамида яшәүче яшьләр бәйрәм күрергә дип дип әти-әниләрен чакырган. Гомумән 150ләп татар һәм башка милләт вәкилләре җыелган.
Сабантуйда аркан тарту, кашыкка йомырка куеп йөгерү, капчыкта йөгерү һәм башка шундый уеннар белән бергә милли җыр-биюләр күп булган, балалар исә бәйрәмгә махсус спектакль әзерләгән. Һәрбер гаилә нинди дә булса ризык пешереп килгән, шуңа өстәлләр милли тәм-томнардан сыгылып торган.
Шулай итеп Флорида татарлары Сабантуй сезонын ачып җибәрде. Тиздән Австралия татарлары милли бәйрәмне уздырачак.
http://www.azatliq.org
Вход на сайт
Комментарийлар