Фәрит Мөхәммәтшин Санкт-Петербург Сабан туенда катнашты

Санкт-Петербург янындагы Энколово авылында татар һәм башкорт халкының милли бәйрәме – Сабан туе узды. Фотолар: http://tdnu.ruБәйрәмгә Россиянең төрле төбәкләреннән, якын һәм ерак чит илләрдән меңләгән...

Санкт-Петербург янындагы Энколово авылында татар һәм башкорт халкының милли бәйрәме – Сабан туе узды.

Фотолар: http://tdnu.ru
Бәйрәмгә Россиянең төрле төбәкләреннән, якын һәм ерак чит илләрдән меңләгән кеше җыелган иде. Сабантуй кунакларын Татарстан җитәкчелеге исеменнән Дәүләт Советы Рәисе Фәрит Мөхәммәтшин котлады.
Мәйданда татар һәм башкорт җырлары яңгырады. Янәшәдәге спорт мәйданчыкларында килгән кунаклар капчык белән сугышу, чүлмәк вату, милли көрәш һ.б. ярышларны тамаша кылды.

Татар һәм башкорт этнографик авылларында исә Сабантуй кунаклары милли ризыкларны татып карады, халык һөнәрчелеге эшләнмәләре белән танышты. Биредә халыкны Габдулла Тукай әкияләрендәге геройлар – Шүрәле һәм Су анасы каршы алды, артистлар гармунга кушылып халык җырларын башкарды.