“Фатыйма” белән “Венера”ны утыртып карагыз!

Башкортстанда груша, алма, виноград һәм карлыганның яңа сортлары чыгарылган, дип яза "Кызыл таң" газетасы.

Яңа сортны алу өчен 8-15 ел тирәсе вакыт таләп ителә. Шуңа да бу сортлар былтыр чыгарылган, дип әйтү дөрес түгел. Аларны сынау буенча эшләр 2013 елдан алып барылган.
Биш ел эчендә, әйтик, карлыганның “Фатыйма”, “Венера”, “Находка” һәм “Шәфәкь” сортлары һәр гектардан 120-168 центнер уңыш биргән.