Сербиянең Нови Сад шәһәрендә шахмат буенча Европа чемпионнары кубогы башланды.

Турнирда Казаннан "Ладья" ир-атлар командасы катнаша. Аны Татарстанда туып-үскән Америка гроссмейстеры Гата Камский җитәкли. Командада икенче номер булып Идел буе спорт академиясенең беренче курс студенты Владислав Артемьев килә, дип хәбәр итә вузның матбугат хезмәте.
Алга таба команданың ир-атлар рейтингында Артем Тимофеев, Илдар Ибраһимов, Рамил Хәсәнгатин тора.
Ярышлар 13 ноябрь көнне тәмамланачак, дип хәбәр итә Татар-информ МА.