Әниләр көне уңаеннан Чаллының Перинаталь үзәкләрнең берсендә яңа гына бәби тапкан әниләрне котладылар

Халыкара Әниләр көне кысаларында Чаллы шәһәре Кама балалар медицина үзәгенең перинаталь бүлегендә шул көннәрдә яңа гына әни булганнарны хөрмәтләделәр.

Әниләргә уңай эмоцияләр китерү, матур теләкләр җиткерү һәм, гомумән, күңелдә бары тик җылы хисләр генә тудыра торган әлеге бәйрәм белән котлау максатыннан, "Ана һәм бала" хәйрия фонды вәкилләре Кама балалар медицина үзәгендә булдылар.
"Впрок-сервис" ҖЧҖ белән берлектә үзәктә яңа гына бала тапкан әниләр өчен котлау акциясе оештырылды, бүләкләр тапшырылды.