Әлмәттәге куркыныч табылдыкны Казанга җибәрәчәкләр (+ФОТО)

Әлмәттә бер ир шәһәрнең сәнәгать зонасында хуҗасыз гараж түбәсеннән 7 кг терекөмеш салынган ватык пластик савыт тапкан.  
Фото: almet-rt.ru
Ир кеше тиз арада бердәм диспетчерлык хезмәтенә хәбәр иткән. Вакыйга урынына килеп җиткән коткаручылар терекөмешне герметик савытка җыйганнар. Аны алга таба утильләштерү өчен Казанга җибәрәчәкләр, дип хәбәр итә “Әлмәт таңнары”.