Әлмәттә Олег Сирота технологияләре буенча сыр җитештерергә җыеналар

Әлмәт районы башлыгы Айрат Хайруллин Мәскәү өлкәсендәге “Русский пармезан” компаниясе җитәкчесе Олег Сирота белән очрашуы турындагы хәбәрне үз “Инстаграм” битендә урнаштырган.
Фото: instagram.com/khayrullinayrat
Очрашу барышында район фермерлары белән хезмәттәшлек урнаштыру турында килешенгән.
“Әлмәт районы фермерлары белән азык-төлек кластерын үстерү кысаларында хезмәттәшлекне урнаштыру турында килештек #ЛюбимыйАльметьевск. Безгә сыр җитештерү тәҗрибәсен тупларга кирәк”, - дип язган Хайруллин.
Элек программист булып эшләгән Олег Сирота Мәскәү өлкәсендәге Истринский районында 2015 елның августында “Русский пармезан” сыр ясау компаниясен ачкан иде.