Әлмәттә көчле җил өермәсен шаһитлар видеога төшергән.
Өермәле җил вакытында ишегалдында торган автомобиль өстенә агач ауган. Ролик социаль челтәрләрдә таралды.
Беренче язма авторы сүзләренчә, шәһәрдә көчле җил булган, шуннан соң тузан өермәсе күтәрелгән һәм җил яңгыр болытларын куып китергән.
Роликта һава торышының бик тиз үзгәрүе күренә. Бераз вакыттан шәһәрдә көчле яңгыр ява башлый. Көчле җил йорт ишегалдында торган автомобиль өстенә агач аударган.
- «Татар-информ» мәгълүмат агентлыгы 24 июнь көнне республикада шторм кисәтүе игълан ителгәнлеген хәбәр иткән иде.
Комментарийлар