Әлфия Ситдыйкованың «Яшәр өчен килдем» дип исемләнгән өр-яңа китабы басылып чыкты

Чаллы шәһәрендә яшәп иҗат итүче Әлфия Ситдыйкованың «Яшәр өчен килдем» дип исемләнгән нәсерләр, парчалар, кечкенә хикәяләр тупланган өр-яңа китабы басылып чыкты.

Әдәбият сөючеләргә туган якка мәхәббәт, ил язмышы, яшәү мәгънәсе турында уйланулардан торган шигырьләр, поэмалар авторының прозасына да шигърилек, туңган кеше җанын җылытырлык аһәңле яңгыраш хас. Китапка тупланган әсәрләр белән танышканнан соң, авторның проза өлкәсендә дә үз укучысын табачагына ышаныч уяна.